صدر مملکت نے نئے کابینہ ارکان سے حلف لے لیا

وفاقی کابینہ میں توسیع کا پہلا مرحلہ مکمل۔ صدر مملکت نے نئے کابینہ ارکان سے حلف لے لیا۔

وفاقی کابینہ مجموعی طور پر 46 رکنی ہو گئی ہے۔ اتحادیوں کو بھی نمائندگی دی گئی ہے۔ وفاقی کابینہ میں 13 نئے وفاقی وزراء، 11 وزراء مملکت اور تین مشیروں کو شامل کر لیا گیا ہے۔ کابینہ میں پہلے سے شامل دو وزراء مملکت کو بھی وفاقی وزیر بنا دیا گیا ہے۔ نئے وفاقی وزراء میں حنیف عباسی، طارق فضل چوہدری، مصطفی کمال، رضا حیات ہراج، خالد مگسی شامل ہیں۔ معین وٹو، سردار یوسف، اورنگزیب کھچی، رانا مبشر، جنید انوار اور عمران شاہ کو بھی وفاقی وزیر بنا دیا گیا۔

کابینہ میں پہلے سے موجود شزا فاطمہ خواجہ اور علی پرویز ملک کو وفاقی وزیر بنا دیا گیا ہے۔ کابینہ میں شامل کیے گئے وزرائے مملکت میں طلال چوہدری، مختار بھرت، عون چوہدری، وجیہہ قمر، شزرہ منصب، بلال اظہر کیانی، عبدالرحمن کانجو، کھئیل داس، ارمغان سبحانی، بیرسٹر عقیل اور ملک رشید شامل ہیں۔

سابق وزیراعلی کے پی کے پرویز خٹک، وزیراعظم کے سابق پرنسپل سیکرٹری سید توقیر شاہ اور محمد علی کو وزیراعظم کا مشیر بنا دیا گیا ہے۔ جبکہ تین معاونین خصوصی بھی ہیں۔