فلیٹس خریدنے یا گھر بنانے والوں کو بڑی سہولت مل گئی

فلیٹس خریدنے یا گھر بنانے والوں کو بڑی آسانی، 2500 اسکوئر فٹ تک گھر یا فلیٹ پر ٹیکس کریڈٹ کی سہولت دی گئی ہے۔

قومی اسمبلی کی قائمہ کمیٹی برائے خزانہ کے اجلاس میں بتایا گیا کہ مارگیج فنانسنگ پر سود کی ادائیگی پر 30 فیصد ٹیکس کریڈٹ ملے گا۔

رجسٹرڈ کاروباروں کے لیے نقصان کی صورت میں ٹیکس ایڈجسٹمنٹ کی مدت 3 سال سے کم کر کے 2 سال کر دی گئی ہے۔

نئے فنانس بل میں ای کامرس اور ای بزنس کی اصطلاحات شامل کر دی گئیں، اور 20 لاکھ روپے تک کے ٹیکس کیسز کو متنازعہ قرار دے کر فوری حل کرنے کی سہولت دی گئی ہے۔