منیجمنٹ کی طرف سے اگریسو کھیلنے کا کہا گیا ہے، محمد حارث

لاہور: قومی ٹیم کے کھلاڑی محمد حارث کا کہنا ہے کہ منیجمنٹ کی طرف سے اگریسو کھیلنے کا کہا گیا ہے۔ نیوزی لینڈ کی کنڈیشن کو دیکھ کر تمام فیصلے کریں گے۔

میڈیا سے گفتگو کرتے ہوئے محمد حارث نے کہا کہ 9 ٹی ٹوئنٹی میچ میں سے صرف ایک میچ میں اوپنگ کی۔ کسی پوزیشن پر بھی کھیلوں، پاکستان کی طرف سے کھیلنا میرے لیے اعزاز ہے۔ پچھلے ایک سال سے کوچز اور ڈومیسٹک میں اپنی غلطیوں کو بہتر کیا ہے۔

محمد حارث نے کہا کہ پاکستان شاہین کی کپتانی کر چکا ہوں اور یہاں موقع ملتا ہے اس کو انجوائے کرتا ہوں۔ انہوں نے کہا کہ بابر اعظم اور رضوان کو نہ سلیکٹ کرنا سلیکشن کمیٹی کا فیصلہ ہے۔ نیوزی لینڈ میں کھیل چکا ہوں، اس لیے وہاں کھیلنے میں کوئی مسئلہ نہیں ہے۔ میرے کھیلنے کا انداز وہی رہے گا، صرف ذمہ داری لینے کی کوشش کروں گا۔ ہماری پوری کوشش ہے کہ نیوزی لینڈ کی جو بھی ٹیم ہو اس کو ہرائیں۔