مسک کا ٹرمپ کو دوسرے ممالک کے معاملات میں مداخلت نہ کرنے کا مشورہ

صدر ٹرمپ کے مشیر ایلون مسک نے امریکی حکومت پر زور دیا ہے کہ وہ دوسرے ممالک کے معاملات میں مداخلت کرنے یا عالمی سطح پر حکومتیں تبدیل کرنے کے بجائے اپنے معاملات پر توجہ دے۔

دبئی میں ورلڈ گورنمنٹ سمٹ میں ویڈیو کال کے ذریعے خطاب کرتے ہوئے، مسک نے امریکی خارجہ پالیسی پر بحث کی اور کہا کہ اصل جمہوریت کے بجائے بیوروکریسی کی حکمرانی چل رہی ہے۔

میرا خیال ہے کہ اکثر اوقات امریکہ بین الاقوامی معاملات میں حد سے زیادہ دخل دیتا ہے، ہمیں عمومی طور پر دوسرے ممالک کو ان کے معاملات خود سنبھالنے دینا چاہییں، یہ اس کے لیے بھی بہتر ہوگا۔