ملازم کو گولی مارنے پر خاور مانیکا کے بیٹے موسیٰ مانیکا گرفتار

پاکپتن پولیس نے ملازم کو گولی مار کر زخمی کرنے پر خاور مانیکا کے بیٹے موسیٰ مانیکا کو گرفتار کر لیا۔

موسی مانیکا نے جلد کام نہ کرنے پر اپنے ملازم علی بہادر کو فائر مارا تھا۔ ملزم نے ہوائی فائرنگ کرتے ہوئے زخمی کو اٹھانے سے منع کردیا۔ ڈی پی او جاوید چدھڑ نے واقع کا نوٹس لیتے ہوئے پولیس کی بھاری نفری کے ہمراہ موقعہ پر پہنچ کر موسی مانیکا کو گرفتار کرلیا۔

ڈی پی او جاوید چدھڑ کا کہنا تھا کہ مجرم کتنا ہی بااثر کیوں نہ ہو اس کے خلاف قانون کے مطابق کارروائی کی جائے گی۔ کوئی بھی ملزم قانون سے بالا تر نہیں ہے۔ ملزمان سے آہنی ہاتھوں سے نپٹا جائے گا۔