ملک میں رجسٹرڈ ووٹرز کے تازہ ترین اعدادوشمار جاری

اسلام آباد: الیکشن کمیشن نے ملک میں رجسٹرڈ ووٹرز کے تازہ ترین اعدادوشمار جاری کر دئیے۔

الیکشن کمیشن کے مطابق ملک میں رائے دہندگان کی مجموعی تعداد 13کروڑ 44 لاکھ 28 ہزار 577 تک جاپہنچی ہے۔ ملک میں مرد ووٹرز کی تعداد سات کروڑ 21لاکھ 24ہزار 209 جبکہ خواتین ووٹرز کی تعداد چھ کروڑ23لاکھ 4ہزار 368 ہے۔

اسلام آباد میں رجسٹرڈ ووٹرز کی تعداد 12 لاکھ7 ہزار 287 ہے۔ پنجاب میں رجسٹرڈ ووٹرز کی تعداد سات کروڑ 65 لاکھ 63 ہزار 243 ہوگئی ہے۔ بلوچستان میں ووٹرز کی تعداد 56 لاکھ 13 ہزار 371 ہوگئی ہے۔ سندھ میں رجسٹرڈ ووٹرز کی تعداد دوکروڑ81لاکھ 70ہزار274 ہوگئی ہے۔ خیبر پختونخوا میں رجسٹرڈ ووٹرز کی تعداد دوکروڑ28 لاکھ 74ہزار 402 تک پہنچ گئی ہے۔