وزیرِ اعظم شہباز شریف کا ایران سے مہراستان واقعے کے ذمہ داروں کی فوری گرفتاری کا مطالبہ

وزیرِ اعظم شہباز شریف نے ایران کے صوبہ سیستان کے علاقے مہراستان میں آٹھ پاکستانی شہریوں کے بہیمانہ قتل کی شدید مذمت کرتے ہوئے ایرانی حکومت سے مطالبہ کیا ہے کہ وہ فوری طور پر مجرموں کو گرفتار کرے، انہیں سخت سزا دے اور واقعے کی وجوہات عوام کے سامنے لائے۔

اتوار کے روز اپنے تعزیتی پیغام میں وزیرِ اعظم نے ایرانی علاقے میں پیش آنے والے اس افسوسناک واقعے پر گہرے دکھ اور افسوس کا اظہار کیا، جہاں پاکستانی شہری ایک کار ورکشاپ پر کام کے دوران فائرنگ کا نشانہ بنے۔

وزیرِ اعظم نے اس واقعے کو "سفاکانہ” قرار دیتے ہوئے کہا کہ ایران حکومت کو فوری طور پر مجرموں کو قانون کے کٹہرے میں لا کر انصاف فراہم کرنا چاہیے۔ انہوں نے زور دیا کہ اس بہیمانہ حملے کی وجوہات کو شفاف انداز میں منظرِ عام پر لایا جائے۔

انہوں نے کہا کہ دہشت گردی پورے خطے کے لیے ایک سنگین خطرہ ہے اور اس سے نمٹنے کے لیے تمام علاقائی ممالک کو مل کر مربوط حکمتِ عملی اپنانا ہوگی۔

وزیرِ اعظم نے جاں بحق افراد کے لیے دعائے مغفرت کی اور ان کے اہلِ خانہ سے دلی ہمدردی کا اظہار کیا۔ ساتھ ہی انہوں نے وزارتِ خارجہ کو ہدایت کی کہ متاثرہ خاندانوں سے فوری رابطہ کیا جائے اور تہران میں پاکستانی سفارتخانے کے تعاون سے جاں بحق افراد کی میتوں کی جلد از جلد وطن واپسی یقینی بنائی جا