وزیر اعظم کا آرمی چیف کے ہمراہ سی ایم ایچ راولپنڈی کا دورہ، آپریشن بنیان مرصوص میں زخمیوں کی خیریت دریافت

وزیر اعظم پاکستان میاں محمد شہباز شریف نے آرمی چیف جنرل سید عاصم منیر، کے ہمراہ کمبائنڈ ملٹری ہسپتال (سی ایم ایچ)، راولپنڈی کا دورہ، آپریشن بنیان مرصوص میں زخمی جوانوں اور شہریوں کی خیریت دریافت کی۔

وزیر اعظم نے زخمی جوانوں کی معرکہ حق کے دوران بے مثال بہادری، عزم اور فرض شناسی کو سراہا۔ اُن کا کہنا تھا کہ جس طرح افواج پاکستان اور پوری قوم نے یہ جنگ لڑی، اس کی مثال کہیں نہیں ملتی۔

شہباز شریف نے کہا کہ عوام کی ثابت قدمی ملک کی عسکری تاریخ کا ایک فیصلہ کن باب بن چکی ہے۔