وزیر داخلہ محسن نقوی کا متحدہ عرب امارات کا سرکاری دورہ، سیکیورٹی اور امیگریشن میں تعاون بڑھانے پر اتفاق

وفاقی وزیر داخلہ محسن نقوی نے متحدہ عرب امارات کا اہم سرکاری دورہ کیا، جہاں انہوں نے یو اے ای کے نائب وزیر اعظم و وزیر داخلہ لیفٹیننٹ جنرل شیخ سیف بن زاید النہیان سے ملاقات کی۔

دونوں ممالک نے سیکیورٹی، انسداد منشیات، امیگریشن اور جدید ٹیکنالوجی کے شعبوں میں تعاون کو فروغ دینے کے عزم کا اعادہ کیا۔ یو اے ای وزارت داخلہ پہنچنے پر محسن نقوی کو گارڈ آف آنر پیش کیا گیا اور انہیں اعلیٰ اماراتی حکام سے متعارف کروایا گیا۔

اہم نکات:

• پاکستانی شہریوں کے لیے ویزا سہولیات میں نرمی

• انسداد اسمگلنگ اور منشیات کے خلاف کارروائیوں میں تعاون

• مصنوعی ذہانت کے استعمال اور جدید سیکیورٹی نظام کا تبادلہ

• مشترکہ تربیتی پروگرام اور پبلک سیفٹی اقدامات

محسن نقوی نے ویزا پالیسی میں نرمی پر زور دیا:

"ہم چاہتے ہیں کہ پاکستانی شہری آسانی سے یو اے ای آ سکیں، ویزا پالیسی میں نرمی سے بڑی سہولت ہو گی۔”

اماراتی وزیر داخلہ نے مکمل تعاون کی یقین دہانی کروائی۔

محسن نقوی نے ابوظہبی پولیس کے جدید آپریشن سینٹر کا بھی دورہ کیا، جہاں انہیں نگرانی، جرائم کی روک تھام اور AI پر مبنی نظاموں سے متعلق بریفنگ دی گئی۔ انہوں نے پاکستان میں بھی ایسے نظام نافذ کرنے میں دلچسپی ظاہر کی۔