ملک میں رجسٹرڈ ووٹرز کی تعداد کے حوالے سے تازہ اعداد وشمار جاری

الیکشن کمیشن آف پاکستان نے ملک میں رجسٹرڈ ووٹرز کی تازہ ترین تعداد جاری کی ہے، جو 13 کروڑ 26 لاکھ سے زائد ہو چکی ہے۔

اعداد و شمار کے مطابق، مرد ووٹرز کی تعداد 7 کروڑ 12 لاکھ 75 ہزار 222 جبکہ خواتین ووٹرز کی تعداد 6 کروڑ 13 لاکھ 93 ہزار 293 ہے۔ مرد ووٹرز کی شرح 53.72 فیصد اور خواتین ووٹرز کی شرح 46.2 فیصد ہے۔

اسلام آباد میں ووٹرز کی تعداد 11 لاکھ 70 ہزار 744 ہے، جن میں مرد ووٹرز 6 لاکھ 13 ہزار 118 اور خواتین ووٹرز 5 لاکھ 57 ہزار 626 ہیں۔

پنجاب میں رجسٹرڈ ووٹرز کی تعداد 7 کروڑ 55 لاکھ 45 ہزار 995 ہے، جن میں مرد ووٹرز 4 کروڑ 24 لاکھ 11 ہزار 112 اور خواتین ووٹرز 3 کروڑ 53 لاکھ 4 ہزار 883 ہیں۔

بلوچستان میں ووٹرز کی تعداد 55 لاکھ 37 ہزار 699 ہے، جن میں مرد ووٹرز 31 لاکھ 1 ہزار 640 اور خواتین ووٹرز 24 لاکھ 36 ہزار 59 ہیں۔

خیبرپختونخوا میں 2 کروڑ 25 لاکھ 89 ہزار 371 ووٹرز رجسٹرڈ ہیں، جن میں مرد ووٹرز 1 کروڑ 22 لاکھ 84 ہزار 853 اور خواتین ووٹرز 1 کروڑ 3 لاکھ 4 ہزار 518 ہیں۔

سندھ میں رجسٹرڈ ووٹرز کی تعداد 2 کروڑ 78 لاکھ 24 ہزار 706 ہے، جن میں مرد ووٹرز 1 کروڑ 50 لاکھ 34 ہزار 499 اور خواتین ووٹرز 1 کروڑ 27 لاکھ 90 ہزار 207 ہیں۔