پاکستان اور نیوزی لینڈ کے درمیان دوسرا ٹی ٹوینٹی میچ کل کھیلا جائے گا

سیریز میں کم بیک کرنے کا مشن، پاکستان اور نیوزی لینڈ کے درمیان دوسرا ٹی ٹوینٹی میچ کل کھیلا جائے گا۔

قومی کرکٹ سکواڈ کرائسٹ چرچ سے ڈونیڈن پہنچ گیا۔ پاکستان اور نیوزی لینڈ کے درمیان دوسرا ٹی ٹوینٹی کل پاکستانی وقت کے مطابق چھ بج کر پندرہ منٹ پر شروع ہوگا۔

ادھر پہلے ٹی ٹوینٹی میچ میں پاکستان کرکٹ ٹیم نے اپنی ٹی ٹوئنٹی تاریخ کا بدترین ریکارڈ قائم کر لیا۔ کیویز نے گرین شرٹس کا ہدف مقررہ بیس اوورز سے انسٹھ گیندوں پہلے ہی حاصل کیا، گیندوں کے اعتبار سے ٹی ٹوئنٹی انٹرنیشنل کی تاریخ میں پاکستان کی بدترین شکست ہے۔

نیوزی لیںڈنے پہلے ٹی ٹونٹی میچ میں گرین شرٹس کو 9وکٹوں سے شکست دی تھی۔ میزبانوں کو سیریز میں ایک صفر کی برتری حاصل ہے۔