پاکستان سیمی فائنل میں کیسے پہنچ سکتا ہے؟

نیوزی لینڈ اور بھارت سے عبرتناک شکستوں کے بعد پاکستان کی سیمی فائنل میں پہنچنے کی امیدیں اب اگر مگر سے جڑ گئیں۔

پاکستان کو اپنے آخری میچ میں بنگلا دیش کو بڑے مارجن سے ہرانا ہوگا، یا نیوزی لینڈ کو اپنے باقی دونوں میچ بڑے مارجن سے ہارنے ہوں گے۔ راولپنڈی میں نیوزی لینڈ اور بنگلا دیش کے درمیان ہونے والا میچ پاکستانی شائقین کے لیے انتہائی اہم ہوگا۔ اگر نیوزی لینڈ جیت گیا یا بارش کی وجہ سے میچ ضائع ہو گیا تو پاکستان باضابطہ طور پر ٹورنامنٹ سے باہر ہو جائے گا۔ لیکن اگر بنگلا دیش جیت جاتا ہے تو پاکستان کی امیدیں برقرار رہیں گی۔

پاکستان کا بنگلا دیش کے خلاف میچ 27 فروری کو شیڈول ہے، جبکہ نیوزی لینڈ کا مقابلہ بھارت سے 2 مارچ کو ہوگا۔

اگرچہ پاکستان کے سیمی فائنل میں پہنچنے کے امکانات بہت کم ہیں، لیکن کرکٹ میں کچھ بھی ناممکن نہیں ہے۔ پاکستانی کرکٹ شائقین آج نیوزی لینڈ اور بنگلا دیش کے میچ میں گہری دلچسپی ظاہر کریں گے، جو ان کی ٹیم کی قسمت کا فیصلہ کر سکتا ہے۔