پاکستان میں محرم الحرام 1447ھ کا چاند نظر آ گیا

کوئٹہ: پاکستان میں محرم الحرام 1447 ہجری کا چاند نظر آ گیا ہے۔ مرکزی رویت ہلال کمیٹی کے چیئرمین مولانا عبدالخبیر آزاد نے چاند نظر آنے کا اعلان کیا۔

چاند کی رویت کے لیے اجلاس کوئٹہ میں منعقد ہوا جس میں محکمہ موسمیات اور سپارکو کے ماہرین بھی شریک تھے، جبکہ زونل و ضلعی کمیٹیوں کے اجلاس بھی اپنے مراکز پر ہوئے۔

اعلان کے مطابق یکم محرم الحرام جمعہ 27 جون کو ہو گی، جبکہ یومِ عاشور اتوار 6 جولائی کو منایا جائے گا۔