پاکستان نے بھارت کی ممکنہ کارروائی کے جواب میں اہداف کا تعین کرلیا

پاکستان نے بھارت کی جانب سے کسی بھی ممکنہ مس ایڈونچر کے جواب میں سرحد پار سیکڑوں اہداف کا تعین کر لیا ہے۔

متعلقہ ذرائع کا کہنا ہے کہ ان اہداف کو بھارت کے کسی حملے کے جواب میں منٹوں کے اندر نشانہ بنایا جائے گا۔ پاکستان نے حالیہ کشیدگی کا آغاز نہیں کیا اور نہ ہی پاکستانی ریاست کا پہلگام واقعے میں کوئی تعلق ہے۔

ذرائع کے مطابق ابھی تک پاکستان کے کسی نان اسٹیٹ ایکٹر کے ملوث ہونے کے شواہد سامنے نہیں آئے ہیں۔