پاک بھارت میچ سے قبل انڈین کرکٹر کی اہلیہ سے علیحدگی!

بھارت کے نامور کرکٹر یوزویندر چہل نے اپنی اہلیہ دھناشری ورما سے راہیں جدا کر لیں۔ علیحدگی کی وجوہات بھی سامنے آگئیں۔

بھارتی کرکٹر اور ان کی اہلیہ نے باضابطہ طور پر علیحدگی اختیار کر لی ہے، جس نے ان افواہوں کی تصدیق کی ہے جو کئی مہینوں سے سوشل میڈیا پر گردش کر رہی تھیں۔ دونوں نے اپنے الگ ہونے کی طرف اشارہ کرتے ہوئے مبہم پوسٹس شیئر کیں، لیکن دونوں میں سے کسی نے بھی اپنے فیصلے کی وجوہات کو کھلے عام نہیں بتایا۔

اب رپورٹس اس بات کی تصدیق کرتی ہیں کہ باندرہ فیملی کورٹ میں ان کی علیحدگی کی کارروائی کو حتمی شکل دی گئی، جہاں دونوں ذاتی طور پر پیش ہوئے۔ بھارتی میڈیا کے مطابق جج نے 45 منٹ تک مشاورت کی اور بتایا گیا کہ دونوں فریقین علیحدگی پر متفق ہیں۔

یہ بھی انکشاف ہوا ہے کہ چاہل اور دھناشری گزشتہ 18 ماہ سے الگ رہ رہے تھے۔ جب ان سے الگ ہونے کی وجہ پوچھی گئی تو انہوں نے مطابقت سے متعلق مسائل کا حوالہ دیا۔

کچھ عرصہ قبل بھارتی آل راؤنڈر ہاردک پانڈیا نے بھی اپنی اہلیہ نتاشا سٹینکووچ سے علیحدگی اختیار کر لی تھی۔ ان کی شادی 2020 میں ہوئی اور ان کا ایک بیٹا ہے۔