پنجاب میں عیدالفطر کی کتنی چھٹیاں ہوں گی؟ حکومت نے اعلان کر دیا

لاہور: پنجاب حکومت نے عیدالفطر پر 3 چھٹیوں کا اعلان کیا ہے۔

حکومت کی جانب سے 31 مارچ سے 2 اپریل تک چھٹیوں کا نوٹیفکیشن جاری کیا گیا ہے۔

اس سے قبل وفاقی حکومت نے عید الفطر 2025 کے لیے 3 تعطیلات کا اعلان کیا تھا۔ نوٹیفکیشن کے مطابق، عید کی تعطیلات 31 مارچ (پیر) سے 2 اپریل (بدھ) تک ہوں گی، اور ان دنوں تمام سرکاری و نیم سرکاری دفاتر بند رہیں گے۔

دوسری جانب، ماہرین فلکیات نے پیش گوئی کی ہے کہ رمضان المبارک 29 دنوں کا ہوگا اور عید الفطر 31 مارچ کو منائی جائے گی۔ 30 مارچ کی شام عید کا چاند نظر آنے کا امکان ہے، جس کی عمر غروب آفتاب کے وقت 26 گھنٹے ہوگی۔ اگر رمضان 30 روزوں تک مکمل ہوا تو عید الفطر یکم اپریل (منگل) کو ہوگی۔