چیمپئنز ٹرافی میں ناکامی! ایک اور سینئر کھلاڑی نے ریٹائرمنٹ لے لی

بنگلہ دیش کے تجربہ کار وکٹ کیپر بلے باز مشفیق الرحیم نے ون ڈے انٹرنیشنل (ODI) کرکٹ سے باضابطہ طور پر ریٹائرمنٹ کا اعلان کر دیا ہے۔ یہ فیصلہ آئی سی سی چیمپئنز ٹرافی 2025 میں بنگلہ دیش کی مایوس کن کارکردگی کے بعد سامنے آیا۔

36 سالہ کرکٹر نے سوشل میڈیا پر جاری ایک پیغام میں ریٹائرمنٹ کا اعلان کرتے ہوئے لکھا:

"آج میں ون ڈے کرکٹ سے ریٹائر ہو رہا ہوں۔ الحمدللہ ہر چیز کے لیے۔ ہماری عالمی کامیابیاں محدود رہی ہوں گی، مگر میں نے ہمیشہ اپنے ملک کے لیے 100 فیصد سے زیادہ دیانت داری اور لگن کے ساتھ کھیلا۔”

مشفیق الرحیم نے 2005 میں ڈیبیو کیا اور اپنے 20 سالہ ون ڈے کیریئر میں 274 میچز کھیل کر 7,795 رنز بنائے۔ ان کے ریکارڈ میں 9 سنچریاں اور 49 نصف سنچریاں شامل ہیں۔

رحیم کی سب سے یادگار کارکردگی 2007 کے آئی سی سی ورلڈ کپ میں بھارت کے خلاف رہی، جہاں انہوں نے ناقابل شکست 56 رنز بنا کر اپنی ٹیم کو تاریخی فتح دلائی۔

مشفیق الرحیم کے علاوہ آسٹریلیا کے تجربہ کار بلے باز سٹیوسمتھ نے بھی ایک روز قبل اپنی ون ڈے کرکٹ سے ریٹائرمنٹ کا اعلان کیا تھا، جب آسٹریلیا چیمپئنز ٹرافی کے سیمی فائنل میں باہر ہو گیا تھا