آسٹریلوی کرکٹر ڈیوڈ وارنر کی ڈیبیو فلم کب ریلیز ہوگی؟

آسٹریلیا کے سابق کرکٹر ڈیوڈ وارنر کی پہلی تیلگو فلم ‘رابن ہڈ’ 28 مارچ کو ریلیز ہو گی۔

سابق آسٹریلوی کرکٹر ڈیوڈ وارنر بھارتی سنیما میں اپنی پہلی تیلگو فلم "رابن ہڈ” کے ذریعے قدم رکھنے جا رہے ہیں، جس کی ریلیز کی تاریخ 28 مارچ طے پا گئی ہے۔ وارنر کرکٹ کی دنیا میں اپنی کامیابیوں کے لیے معروف ہیں اور اس فلم میں وہ ایک مختصر مگر اہم کردار ادا کریں گے۔

حال ہی میں، وارنر نے اپنے سوشل میڈیا اکاؤنٹ پر فلم کا پوسٹر شیئر کرتے ہوئے بھارتی سنیما میں انٹری کا اعلان کیا اور اس موقع پر اپنے جوش کا اظہار کیا۔

فلم میں نیتھن اور سری لیلا مرکزی کرداروں میں ہیں۔ وارنر کو بھارت میں آئی پی ایل کے دوران خاصی شہرت حاصل ہے اور ان کی تمل گانوں پر ڈانس کی ویڈیوز بھی سوشل میڈیا پر وائرل ہو چکی ہیں۔