کسانوں کیلئے خوشخبری، مریم نواز نے بڑا اعلان کر دیا

لاہور: وزیراعلیٰ پنجاب مریم نواز شریف نے کسانوں کے لیے کسان کارڈ اسکیم کے تحت 600,000 کسانوں کو فی ایکڑ 5,000 روپے سبسڈی دینے کی منظوری دے دی۔

یہ سبسڈی ان کسانوں کو بھی ملے گی جو اس وقت کسان کارڈ پروگرام میں رجسٹرڈ نہیں ہیں۔ وزیراعلیٰ نے ایک خصوصی اجلاس کی صدارت کرتے ہوئے کہا کہ اگلی فصل کیلئے اربوں روپے کی اضافی سبسڈیز مختص کی جائیں گی۔ انہوں نے حکومت کے کسانوں کی حمایت اور زرعی شعبے کی مضبوطی کے عزم کو دہرایا۔

اجلاس کے دوران یہ بھی بتایا گیا کہ کسانوں نے کسان کارڈ کے ذریعے اب تک 36 ارب روپے کا زرعی سامان خریدنے کے لیے استعمال کیے ہیں۔

مریم نواز شریف نے زرعی ٹیوب ویلوں کی سولرائزیشن اسکیم کی پیش رفت کا بھی جائزہ لیا اور پنجاب کی زرعی ترقی کیلئے پائیدار اور کسان دوست اقدامات کے اپنے وژن کو دہراتے ہوئے اس کی اہمیت پر زور دیا۔