کوئٹہ گلیڈی ایٹرز نے سرفراز احمد کو نیا کوچ مقرر کر دیا

لاہور: کوئٹہ گلیڈی ایٹرز کے مالک ندیم عمر نے سرفراز احمد کو نئی ذمہ داریاں سونپتے ہوئے ٹیم کا نیا کوچ مقرر کر دیا ہے۔

سرفراز احمد جو پی ایس ایل کے 2016 کے افتتاحی ایڈیشن کے بعد پہلی بار پلیئرز ڈرافٹ کا حصہ بنے تھے، تاہم کسی بھی ٹیم نے انہیں منتخب نہیں کیا۔ اس کے بعد ندیم عمر نے سرفراز احمد کو کوئٹہ گلیڈی ایٹرز کا نیا کوچ مقرر کرنے کا فیصلہ کیا ہے، جبکہ شعیب ملک کو سپلیمنٹری پلیئر منتخب کیا گیا ہے۔

لاہور میں میڈیا سے گفتگو کرتے ہوئے ندیم عمر نے کہا کہ سرفراز احمد کوئٹہ گلیڈی ایٹرز کی جان ہیں اور ہم انہیں چھوڑ نہیں سکتے۔ انہوں نے مزید کہا، "آپ انہیں ایک نئے رول میں دیکھیں گے۔”

ندیم عمر نے بتایا کہ سرفراز احمد اس سیزن میں کوچ کے طور پر کام کریں گے اور وہ معین خان کی نگرانی میں سیکھیں گے۔ "میں اور معین خان بیک سیٹ پر ہوں گے اور سرفراز احمد سامنے ہوں گے۔”