ہائر ایجوکیشن کمیشن کی کالجز میں غیر اخلاقی رقص پر پابندی

 پنجاب کے تعلیمی اداروں میں غیر اخلاقی رقص اور غیر مناسب سرگرمیوں کی شکایات پر محکمہ ہائر ایجوکیشن نے سخت نوٹس لیتے ہوئے فن فیئر اور اسپورٹس گالا کی تقریبات میں ایسے مظاہروں پر پابندی عائد کر دی ہے۔

محکمہہائر ایجوکیشن کمیشن کے مطابق مختلف کالجز میں بھارتی گانوں پر اساتذہ اور طلبہ کے رقص کی شکایات موصول ہوئیں، جس پر فوری کارروائی کرتے ہوئے تمام ڈائریکٹر کالجز اور اداروں کے سربراہان کو ہدایات جاری کر دی گئی ہیں۔ مراسلے میں واضح کیا گیا ہے کہ تعلیمی ادارے مقدس مقامات ہیں جہاں حصولِ علم کو ترجیح دی جانی چاہیے اور غیر اخلاقی سرگرمیوں کی کوئی گنجائش نہیں۔

حکام کے مطابق اگر کسی بھی کالج میں خلاف ورزی کی شکایت موصول ہوئی تو کالج کے سربراہ کے خلاف سخت کارروائی کی جائے گی۔ پنجاب کے تمام نو ڈائریکٹر کالجز کو اس حوالے سے سختی سے عملدرآمد کروانے کی ہدایت دی گئی ہے تاکہ تعلیمی ماحول کو مثبت اور مہذب بنایا جا سکے۔