یوٹیوبر رجب بٹ اور ساتھیوں کیخلاف مقدمے میں پیکا ایکٹ کی دفعات شامل کرنے کا فیصلہ

لاہور: یوٹیوبر رجب بٹ، حیدر شاہ اور مان ڈوگر سمیت 7 افراد کے خلاف درج مقدمے کا معاملہ، مقدمے میں پیکا ایکٹ کی دفعات شامل کرنے کا فیصلہ۔

ایس ایس پی انویسٹیگیشن نے بتایا کہ رجب بٹ و ساتھیوں نے مدعی کو ٹک ٹاک پر ہراساں کیا اور دھمکیاں دیں۔ وقوعہ کے مطابق مقدمہ میں پیکا ایکٹ کی دفعات لگائی جائیں گی۔ مقدمہ میں پیکا ایکٹ دفعات شامل کرنے کیلئے لیگل ٹیم سے مشاورت جاری ہے۔

پولیس حکام کے مطابق رجب بٹ، مان ڈوگر اور حیدر شاہ کے خلاف مقدمہ یوٹیوبر عمر بٹ نے درج کروایا۔ ملزمان عبوری ضمانت کروا کے شامل تفتیش ہوچکے ہیں۔ مقدمہ کی تفتیش دیگر دفعات کے ساتھ پیکا ایکٹ کے تحت ہوگی۔