سیف علی خان اور کرینہ کپور کی طلاق کے حوالے سے بڑا دعویٰ سامنے آگیا

پاکستانی اینکر مبشر لقمان نے دعویٰ کیا ہے کہ بالی وڈ جوڑی سیف علی خان اور کرینہ کپور کے درمیان جلد طلاق ہونے والی ہے۔

سوشل میڈیا پر وائرل ویڈیو میں ان کا کہنا ہے کہ بھارتی میڈیا ذرائع کے مطابق، سیف کسی اور کے ساتھ رنگے ہاتھوں پکڑے گئے جس پر کرینہ نے مبینہ طور پر ان پر حملہ کیا۔

مبشر لقمان نے مزید کہا کہ سیف علی خان نے قطر کی شہریت حاصل کرلی ہے اور وہ بھارت چھوڑ کر قطر منتقل ہونا چاہتے ہیں، لیکن کرینہ اس فیصلے کے خلاف ہیں، جس کے باعث دونوں کے درمیان علیحدگی طے پا رہی ہے۔

چند ماہ قبل بھارتی نجومی سشیل کمار سنگھ نے بھی پیشگوئی کی تھی کہ سیف اور کرینہ اگلے ڈیڑھ سال میں الگ ہو جائیں گے، جو اب درست ثابت ہوتی نظر آ رہی ہے۔

واضح رہے کہ سیف اور کرینہ نے 2012 میں شادی کی تھی اور ان کے دو بیٹے تیمور اور جے ہیں۔