10:28 , 27 جولائی 2025
Watch Live

پاکستان اور ویسٹ انڈیز کے درمیان ٹیسٹ سیریز کیلئے میچ آفیشلز کا اعلان

ملتان: پاکستان اور ویسٹ انڈیز کے درمیان دو ٹیسٹ میچوں کی سیریز کے لیے میچ آفیشلز کا اعلان کردیا گیا۔

تفصیلات کے مطابق سری لنکا کے رنجن مدوگالے جو آئی سی سی ایلیٹ پینل آف میچ ریفریز کے رکن ہیں آئی سی سی ورلڈ ٹیسٹ چیمپئن شپ2023-25 کے ان دو ٹیسٹ میچوں کیلئے پلیئنگ کنٹرول ٹیموں کی قیادت کریں گے۔  پہلے ٹیسٹ کیلئے آسٹریلیا کے راڈنی ٹکر اور انگلینڈ کے رچرڈ کیٹلبرو آن فیلڈ امپائرز ہونگے۔ یہ دونوں آئی سی سی ایلیٹ پینل امپائرز ہیں ۔

آسٹریلیا سے تعلق رکھنے والے آئی سی سی ایلیٹ پینل آف امپائرز کے رکن پال رائفل تھرڈ امپائر ہوں گے جبکہ پاکستان کے فیصل خان آفریدی جو آئی سی سی انٹرنیشنل پینل امپائر ہیں فورتھ امپائر کے طور پر کام کریں گے۔

25جنوری بروز ہفتہ سے شروع ہونے والے دوسرے ٹیسٹ میں پال رائفل راڈنی ٹکر کے ساتھ میدان میں فرائض انجام دیں گے جبکہ رچرڈ کیٹلبرو تھرڈ امپائر ہوں گے۔ آئی سی سی انٹرنیشنل پینل آف امپائرز میں شامل پاکستان کے راشد ریاض وقار فورتھ امپائر ہوں گے۔

واضح رہے کہ دونوں ٹیسٹ 17 سے 29 جنوری تک ملتان میں کھیلے جائیں گے۔

 

 

متعلقہ خبریں
اہم خبریں۔
ضرور دیکھیں
INNOVATION