ایشیا کپ: بھارتی ٹیم کو پاکستان کیخلاف کھیلنے کی اجازت مل گئی

بھارتی وزارت خارجہ نے قومی کرکٹ ٹیم کو ایشیا کپ 2025 میں پاکستان کے خلاف کھیلنے کی اجازت دے دی ہے۔

بھارتی میڈیا کے مطابق بی سی سی آئی ایشیا کپ کے شیڈول کا حتمی مسودہ تیار کرنے میں مصروف ہے۔

ٹورنامنٹ میں پاکستان، بھارت، سری لنکا، بنگلادیش، افغانستان، متحدہ عرب امارات، ہانگ کانگ اور عمان کی ٹیمیں شرکت کریں گی۔

ذرائع کے مطابق متحدہ عرب امارات ایشیا کپ 2025 کی میزبانی کے لیے مضبوط ترین امیدوار ہے، جبکہ ٹورنامنٹ کا مکمل شیڈول آئندہ 48 گھنٹوں میں جاری ہونے کا امکان ہے۔