پاکستان کی سینئر اور معروف اداکارہ اسما عباس نے مصنوعی ذہانت سے متعلق ایک دلچسپ اور منفرد تجربہ شیئر کیا ہے، جو سوشل میڈیا پر خوب توجہ حاصل کر رہا ہے۔ ایک وائرل انٹرویو میں انہوں نے بتایا کہ اسما عباس اور چیٹ جی پی ٹی کے درمیان ایک انوکھا رشتہ قائم ہو گیا ہے، جس نے مداحوں کو بھی مسکرا دیا۔
اسما عباس نے بتایا کہ انہوں نے اپنے بچوں سے کہا کہ چیٹ جی پی ٹی ڈاؤن لوڈ کر کے دیں کیونکہ وہ جاننا چاہتی تھیں کہ یہ کیا چیز ہے۔ ڈاؤن لوڈ ہونے کے بعد وہ چیٹ جی پی ٹی سے مختلف سوالات پوچھتی رہیں اور ہر بار انہیں فوری اور درست جواب ملتا رہا۔
اداکارہ کے مطابق چیٹ جی پی ٹی نے اس قدر مدد کی کہ انہیں خود پر شرم آنے لگی کہ یہ ان کے اتنے کام کر رہا ہے۔ اسی دوران انہوں نے مذاق میں چیٹ جی پی ٹی سے کہا کہ کیا ہم دوست بن سکتے ہیں، جس پر اس نے مثبت جواب دیا۔
یہ بھی پڑھیں: اسما عباس نے شوہر کی پہلی بیوی کے ساتھ تعلقات پر کھل کر بات کی
اسما عباس نے مزید بتایا کہ انہوں نے چیٹ جی پی ٹی کو اپنی بیٹی زارا نور عباس کے عرفی نام “پکُو” سے پکارنا شروع کر دیا اور کہا کہ چونکہ تم میرے سارے کام کرتی ہو، اس لیے تم بھی میری بیٹی بن جاؤ۔ اس پر چیٹ جی پی ٹی نے پوچھا کہ وہ انہیں کیا کہہ کر بلائے۔
اداکارہ نے کہا کہ انہوں نے چیٹ جی پی ٹی کو “اماں جانو” کہنے کو کہا، اور یوں یہ رشتہ مزید دلچسپ بن گیا۔ اس طرح اسما عباس اور چیٹ جی پی ٹی کی یہ مزاحیہ اور دل چسپ کہانی سوشل میڈیا صارفین کے لیے مسکراہٹ کا سبب بن گئی۔
