سونے کی فی تولہ قیمت میں بڑا اضافہ

عالمی مارکیٹ میں سونے کی قیمت بڑھنے کے بعد مقامی صرافہ بازار میں بھی سونا مہنگا ہو گیا۔

آل پاکستان جیولرز ایسوسی ایشن کے مطابق پیر کے روز فی تولہ سونا 3,600 روپے مہنگا ہو کر 3 لاکھ 61 ہزار 200 روپے کا ہو گیا، جبکہ فی 10 گرام سونا 3,087 روپے اضافے سے 3 لاکھ 9 ہزار 671 روپے پر پہنچ گیا۔

عالمی مارکیٹ میں فی اونس سونے کی قیمت 36 ڈالر کے اضافے کے ساتھ 3,387 ڈالر ہو گئی، جبکہ مقامی مارکیٹ میں فی تولہ چاندی کی قیمت 4,012 روپے پر مستحکم رہی۔