چیمپئنز ٹرافی: نیوزی لینڈ نے پاکستان کو جیت کیلئے 321 رنز کا ہدف دیدیا

چیمپئنز ٹرافی کے افتتاحی میچ میں نیوزی لینڈ نے پاکستان کو جیت کیلئے 321 رنز کا ہدف دے دیا۔

ول یانگ اور ٹام لیتھم کی سنچریز کی بدولت نیوزی لینڈ نے پہلے کھیلتے ہوئے مقرر 50 اوورز میں پانچ وکٹوں کے نقصان پر 321 رنز بنائے ہیں۔ بلیک کپ کی جانب سے ول یانگ نے 107 ، گلین فلپس 61 جبکہ ٹام لیتھم 118 رنز بنا کر ناقابل شکست رہے۔

پاکستان کی جانب سے نسیم شاہ اور حارث روف نے 2، 2 کھلاڑیوں کو آوٹ کیا جبکہ ابرار احمد نے ایک شکار کیا۔

واضح رہے کہ آئی سی سی چیمپئنز ٹرافی 2025 کے افتتاحی میچ میں پاکستان نے ٹاس جیت کر نیوزی لینڈ کے خلاف پہلے باؤلنگ کا فیصلہ کیا تھا۔ یہ میچ نیشنل بینک کرکٹ اسٹیڈیم میں کھیلا جا رہا ہے۔