کرس ووکس کی فریکچر کے باوجود بیٹنگ نے تماشائیوں کے دل جیت لیے

اوول ٹیسٹ کے آخری دن بھارت نے انگلینڈ کو 6 رنز سے شکست دے کر اینڈرسن-ٹنڈولکر ٹرافی 2-2 سے برابر کر دی۔

انگلینڈ کو جیت کے لیے صرف 35 رنز درکار تھے اور 4 وکٹیں باقی تھیں، مگر محمد سراج نے شاندار بولنگ کرتے ہوئے جیمی اسمتھ، جیمی اوورٹن اور جوش ٹنگ کو آؤٹ کر کے میچ کا پانسہ پلٹ دیا۔

کرس ووکس زخمی ہاتھ کے ساتھ بیٹنگ کے لیے میدان میں اترے اور شائقین کی خوب داد سمیٹی، تاہم گس ایٹکنسن کی مزاحمت بھی ٹیم کو شکست سے نہ بچا سکی۔ انگلینڈ کی پوری ٹیم 367 رنز پر ڈھیر ہوگئی۔

بھارت نے پہلی اننگز میں 224 رنز بنائے تھے۔ جبکہ انگلینڈ پہلی اننگز میں 247 رنز پر آوٹ ہوئی تھی۔

بھارت نے دوسری اننگز میں شاندار کم بیک کرتے ہوئے 396 رنز بنائے تھے۔ اور انگلینڈ کو جیت کیلئے 374 رنز کا ہدف دیا تھا۔ جس کے جواب میں انگلینڈ 367 رنز پر آل آوٹ ہوگئی۔

یشسوی جیسوال نے 118 رنز کی شاندار اننگز کھیلی، جبکہ انگلینڈ کی جانب سے جو روٹ (105) اور ہیری بروک (111) بنا کر آوٹ ہوئے۔ سراج نے میچ میں مجموعی طور پر 5 وکٹیں اور پراسدھ کرشنا نے 4 وکٹیں حاصل کیں۔