کرسٹوفر نولن کی فلم کا تاریخ ساز ریکارڈ، ریلیز سے ایک سال قبل ہی ٹکٹس فروخت

لاس اینجلس: عالمی شہرت یافتہ ہدایتکار کرسٹوفر نولن کی نئی فلم "The Odyssey” نے ریلیز سے ایک سال پہلے ہی ٹکٹس کی فروخت کا نیا عالمی ریکارڈ قائم کر دیا ہے، جو ممکنہ طور پر سینما کی تاریخ کی طویل ترین پری سیل ہے۔

فلم کی ریلیز 17 جولائی 2026 کو متوقع ہے۔ فلم کی کہانی مشہور یونانی رزمیہ ہومر کی "اوڈیسی” پر مبنی ہے۔ فلم کے مرکزی کردار اداکار میٹ ڈیمن ہیں۔

شوٹنگ و فارمیٹ

فلم کی شوٹنگ جاری ہے اور اسے دنیا کے اعلیٰ ترین 1570 آئی ایمیکس فارمیٹ میں فلمایا جا رہا ہے — جو ہائی ریزولوشن میں شاندار سینما تجربہ فراہم کرتا ہے۔

ٹکٹس کی فروخت

آئی میکس نے دنیا کے 26 مخصوص سینما گھروں میں قبل از وقت ٹکٹس فروخت کیے ہیں (16 تا 19 جولائی 2026 کے محدود شوز کے لیے)۔

آئی میکس میلبورن میں ایک رات میں 1800 ٹکٹس فروخت ہوئے، جب کہ امریکا میں زیادہ تر ٹکٹس ایک گھنٹے کے اندر بک ہو گئے۔

لندن کے BFI IMAX اور سائنس میوزیم IMAX میں بھی تمام ٹکٹس فوراً فروخت ہو گئیں۔

آن لائن بلیک مارکیٹ میں یہ ٹکٹس $300 تا $400 امریکی ڈالر تک دوبارہ فروخت ہو رہی ہیں۔