نعمان علی اور ساجد خان کی تباہ کن بولنگ، میزبان ٹیم 137 پر آوٹ

نعمان علی اور ساجد خان کی تباہ کن باؤلنگ کی بدولت پاکستان نے ویسٹ انڈیز کو ملتان کرکٹ سٹیڈیم میں پہلے ٹیسٹ کے دوسرے دن 137 رنز پر آوٹ کر دیا۔

قومی ٹیم کی پہلی اننگز کے 230 رنز کے تعاقب میں میزبان ٹیم اپنی پہلی اننگز میں صرف 137 رنز ہی بنا سکی۔ ساجد خان نے ٹاپ آرڈر کو تباہ کردیا اور چار وکٹیں حاصل کیں۔ جبکہ نعمان علی نے پانچ وکٹیں حاصل کیں، جبکہ ویسٹ انڈیز کی آخری وکٹ ابرار احمد نے حاصل کی۔

اس سے قبل، پاکستان نے اپنی پہلی اننگز میں 230 رنز بنائے تھے۔ سعود شکیل 84 جبکہ محمد رضوان 71 رنز بنا کر نمایاں رہے۔ دونوں نے ٹیم کو مستحکم کرنے کے لیے 141 رنز کی شراکت داری قائم کی۔

تاہم، باقی بیٹنگ آرڈر ڈیلیور کرنے میں ناکام رہے، سلمان آغا نے صرف 2 رنز بنائے، اور نعمان علی بغیر کوئی رن بنائے آؤٹ ہوگئے۔ لوئر آرڈر کی شراکت میں ساجد خان نے 18 اور خرم شہزاد نے 7 رنز بنائے۔ شان مسعود11، محمد ہریرہ6، کامران غلام 5 اور بابراعظم 8 رنز بنا کر آؤٹ ہوئے۔

ویسٹ انڈیز کی جانب سے جیڈن سیلز اور جومل واریکن نے 3،3 وکٹیں حاصل کیں، کیون سنکلیئر نے 2 اور گڈاکیش موتی نے 1 وکٹ حاصل کی۔

خیال رہے کہ پاکستان نے ویسٹ انڈیز کے خلاف پہلے ٹیسٹ کے پہلے دن کا کھیل ختم ہونے پر 4 وکٹوں کے نقصان پر 143 رنز بنائے۔

پاکستان الیون:

شان مسعود (کپتان)، سعود شکیل (نائب کپتان)، ابرار احمد، بابر اعظم، امام الحق، کامران غلام، کاشف علی، خرم شہزاد، محمد علی، محمد ہریرہ، محمد رضوان (وکٹ کیپر/بلے باز)، نعمان علی، روحیل نذیر (وکٹ کیپر/بلے باز)، ساجد خان، اور سلمان علی آغا۔

ویسٹ انڈیز الیون:

کریگ براتھویٹ (کپتان)، ایلک اتھانازے، عامر جنگو، گڈاکیش موتی، جیڈن سیلز، جومل واریکن، جسٹن گریوز، کیویم ہوج، کیسی کارٹی، کیون سنکلیئر، میکائل لوئس اور ٹیون املاچ