ڈی جی ایف آئی اے اورآئی جی کے پی کو عہدوں سے برطرف کر دیا گیا

خراب کارکردگی کی وجہ سےڈائریکٹر جنرل ایف آئی اے اسحاق جہانگیر اور آئی جی خیبرپختونخواہ اختر حیات کو بھی عہدے سے ہٹا دیا گیا۔
اختر حیات کو اسٹیبلشمنٹ ڈویژن رپورٹ کرنے کی ہدایت کی گئی ہے۔ ڈی جی ایف آئی اے کو بھی ہٹانے کا نوٹیفیکیشن جاری کر دیا گیا ہے۔
گریڈ 21 کے پولیس سروس گروپ کے ذوالفقار حمید کو نیا آئی جی کے پی تعینات کر دیا گیا ہے۔ ذوالفقار حمید اس وقت پنجاب میں خدمات سرانجام دے رہے ہیں۔
ذرائع کے مطابق ڈی جی ایف آئی اے کو انسانی اسمگلنگ کے کئی واقعات میں ایف آئی اے افسران کے ملوث ہونے کے بعد عہدے سے ہٹایا گیا ہے جبکہ آئی جی کے پی کو صوبے میں امن و امان کی صورتحال کو برقرار نہ رکھنے پر فارغ کیا گیا ہے۔