ڈریپ نے ایووسیف کیپسول اور ٹرامیکنگ ٹیبلٹ کو جعلی قرار دیدیا

ڈریپ نے ملک بھر میں فروخت ہونے والی دو ادویات ایووسیف کیپسول اور ٹرامیکنگ ٹیبلٹ کو جعلی قرار دیتے ہوئے ریپڈ الرٹ جاری کر دیا۔

حکام کے مطابق کراچی ڈرگ کنٹرول اتھارٹی نے مارکیٹ میں جعلی ادویات کی نشاندہی کی ہے۔ ڈریپ کی ریگولیٹری فیلڈ فورس کو مارکیٹس سرویلنس تیز کرنے کی ہدایت کردی گئی ہے۔ حکام کے مطابق ایووسیف 250 ملی گرام کیپسول کا بیچ ایف 001 جعلی ہے۔ جبکہ ٹرامیکنگ 225 میگا ٹیبلٹ کا بیچ ٹی آر ڈی 2002 جعلی ہے۔

ڈریپ کے مطابق کراچی ڈرگ کنٹرول اتھارٹی نے مارکیٹ میں جعلی ادویات کی نشاندہی کی اور دونوں ادویات کے سیمپلز کو جعلی قرار دیا۔