کینیڈا کے شہر آشووا میں اسلامک سینٹر کے بانی رکن کا قتل

کینیڈا کے شہر آشووا میں افسوسناک واقعہ پیش آیا جہاں اسلامک سینٹر کے بانی رکن 80 سالہ ابراہیم بالا کو مسجد کے قریب قتل کر دیا گیا۔

غیر ملکی میڈیا رپورٹس کے مطابق پولیس نے ابراہیم بالا کی لاش مسجد کے قریب سے برآمد کی، تاہم قتل کی وجہ تاحال سامنے نہیں آ سکی۔ پولیس نے واقعے کی مزید تفصیلات یا ممکنہ ملزمان کے بارے میں کوئی بیان جاری نہیں کیا۔

آشووا اسلامک سینٹر کی جانب سے جاری بیان میں کہا گیا:

’’ہماری کمیونٹی کے ایک عزیز بھائی نے مسجد کے قریب اپنی جان کھو دی۔ یہ ہمارے لیے نہایت افسوسناک واقعہ ہے۔‘‘

اسلامی کمیونٹی نے کینیڈین حکام سے شفاف تحقیقات اور ملزمان کو فوری انصاف کے کٹہرے میں لانے کا مطالبہ کیا ہے۔

یہ واقعہ کینیڈا میں مسلم کمیونٹی کے لیے تشویش کا باعث بنا ہے، اور مساجد و اسلامی مراکز کی سیکورٹی میں بہتری کی ضرورت پر زور دیا جا رہا ہے۔