گوتم اڈانی نے بیٹے کی شادی پر 10 ہزار کروڑ عطیہ کر دیے

بھارت کے ارب پتی تاجر گوتم اڈانی نے اپنے بیٹے کی شادی پر سماجی مقاصد کے لیے 10 ہزار کروڑ روپے عطیہ کیے ہیں۔

بھارتی میڈیا کے مطابق، اڈانی گروپ کے چیئرمین گوتم اڈانی کے بیٹے جیت اڈانی کی شادی دیوا سے ہوئی، جو کہ ایک ہیرے کے تاجر کی بیٹی ہیں۔ یہ شادی ایک سادہ، مذہبی اور گجراتی رسم و رواج کے مطابق منعقد ہوئی، جس میں صرف خاندان کے افراد اور قریبی رشتہ دار شریک ہوئے۔

یہ شادی نہ صرف خبروں کا حصہ بنی بلکہ سوشل میڈیا پر بھی خوب زیرِ بحث آئی، کیونکہ ایک دولت مند صنعتکار کے بیٹے کی شادی سادگی سے کی گئی، اور اس کے ساتھ گوتم اڈانی کی جانب سے 10 ہزار کروڑ روپے کے عطیے کا اعلان بھی کیا گیا۔

میڈیا رپورٹس کے مطابق، اس عطیے کا بڑا حصہ صحت کی دیکھ بھال اور تعلیم جیسے بنیادی شعبوں پر خرچ کیا جائے گا۔