حارث رؤف انجری کے باعث سہ فریقی سیریز کے بقیہ میچوں سے باہر ہو گئے

پاکستان کرکٹ ٹیم کے فاسٹ باؤلر حارث رؤف انجری کے باعث سہ فریقی سیریز کے بقیہ میچوں سے باہر ہو گئے ہیں۔

عاکف جاوید کو حارث رؤف کی جگہ سہ ملکی سیریز کے لیے قومی کرکٹ ٹیم کے اسکواڈ میں شامل کیا گیا ہے۔

یاد رہے کہ سہ ملکی سیریز کے پہلے میچ میں فاسٹ بولر حارث رؤف نیوزی لینڈ کے خلاف 37ویں اوور میں بولنگ کرتے ہوئے زخمی ہوگئے تھے اور اوور مکمل کیے بغیر ہی میدان سے باہر چلے گئے تھے۔

دوسری جانب پی سی بی حکام نے واضح کیا ہے کہ فاسٹ بولر کی انجری سنجیدہ نوعیت کی نہیں اور وہ آئی سی سی چیمپئنز ٹرافی 2025 کیلئے دستیاب ہوں گے۔

ایم آر آئی اور ایکسرے رپورٹس کے مطابق حارث رؤف کے سینے میں تناؤ ہے۔