آئی سی سی پلیئر آف دی منتھ، پاکستان کے نعمان علی اکتوبر کی نامزدگیوں میں شامل

دبئی: انٹرنیشنل کرکٹ کونسل (آئی سی سی) نے اکتوبر کے مہینے کے لیے پلیئر آف دی منتھ ایوارڈ کی نامزدگیوں کا اعلان کر دیا ہے، جس میں پاکستان کے اسپنر نعمان علی بھی شامل ہیں۔

آئی سی سی کے مطابق نعمان علی کو جنوبی افریقا کے خلاف شاندار پرفارمنس پر اکتوبر کے پلیئر آف دی منتھ ایوارڈ کے لیے نامزد کیا گیا ہے۔

نعمان علی کے ساتھ ساتھ جنوبی افریقا کے سینوران متھوسامے اور افغانستان کے اسٹار اسپنر راشد خان بھی اس فہرست میں شامل ہیں۔

آئی سی سی نے اسی طرح ویمن پلیئر آف دی منتھ ایوارڈ کی نامزدگیوں کا بھی اعلان کیا ہے۔

ویمنز کیٹیگری میں جنوبی افریقا کی کپتان لورا وولورٹ، بھارت کی سمرتھی مندھانہ اور آسٹریلیا کی آل راؤنڈر ایشلے گارڈنر کو شامل کیا گیا ہے۔

واضح رہے کہ آئی سی سی پلیئر آف دی منتھ ایوارڈ ہر ماہ دنیا بھر کے بہترین کارکردگی دکھانے والے مرد اور خواتین کرکٹرز کو دیا جاتا ہے۔