ایران کے صدر اسلام آباد پہنچ گئے، شہباز شریف نے پیزشکیان اور ان کے وفد کا استقبال کیا

ایران کے صدر پاکستان کے سرکاری دورے پر اسلام آباد پہنچ گئے، اسلام آباد کے ہوائی اڈے پر وزیر اعظم پاکستان شہباز شریف نے ایران کے صدر اور ان کے وفد کا استقبال کیا۔

ڈاکٹر پیزشکیان کے ہمراہ اعلیٰ سطح وفد میں ایران کے وزیر خارجہ سید عباس عراقچی، سینئر وزراء اور دیگر اعلیٰ حکام بھی شامل ہیں۔ اپنے قیام کے دوران صدر پیزشکیان صدر مملکت آصف علی زرداری اور وزیر اعظم شہباز شریف سے ملاقات کریں گے۔

اس دورے میں پاکستان اور ایران کے مابین اعلیٰ سطح وفود کے اجلاس ہونگے۔ یہ ایران کے صدر کی حیثیت سے ڈاکٹر پیزشکیان کا پاکستان کا پہلا سرکاری دورہ ہے۔

اس دورے سے پاکستان اور ایران کے درمیان برادرانہ تعلقات مزید مضبوط ہونگے۔