جیسمین منظور کا سابق شوہر پر تشدد کا الزام، سوشل میڈیا پر زخموں کی تصاویر شیئر

پاکستان کی معروف اینکر پرسن اور ٹی وی میزبان جیسمین منظور نے اپنے سابق شوہر پر گھریلو تشدد کا سنگین الزام عائد کرتے ہوئے سوشل میڈیا پر اپنی چہرے پر چوٹوں کی تصاویر شیئر کر دیں۔ ان تصاویر میں ان کے چہرے پر واضح زخم دیکھے جا سکتے ہیں، تاہم یہ واضح نہیں ہے کہ یہ تصاویر کب کی ہیں۔

جیسمین منظور نے پلیٹ فارم "ایکس” (سابقہ ٹوئٹر) پر لکھا:
"یہ میں ہوں، یہ میری کہانی ہے۔ میری زندگی ایک پُرتشدد شخص نے تباہ کر دی اور اب میں اپنا انصاف اللہ پر چھوڑتی ہوں۔”

This is me . Yes this is my story my life destroyed by violent man. I leave my justice to my Allah pic.twitter.com/jZbwdnJ43u

— Jasmeen Manzoor (@jasmeenmanzoor) July 15, 2025

ایک اور پوسٹ میں انہوں نے ان افراد کو مخاطب کیا جو ان کے سابق شوہر کی حمایت کر رہے ہیں:
"یہ ان لوگوں کے لیے ہے جنہوں نے ایک مجرم کا ساتھ دیا، یہ میرے سابق شوہر کا دیا گیا تحفہ ہے۔”

This can happen to anyone no one is safe even in the safety your house the most dangerous people are the ones you trust blindly pic.twitter.com/wjY765FWz9

— Jasmeen Manzoor (@jasmeenmanzoor) July 15, 2025

مزید وضاحت کرتے ہوئے انہوں نے کہا:
"یہ کسی کے ساتھ بھی ہو سکتا ہے۔ گھر اگر محفوظ بھی ہو، تب بھی دنیا میں کوئی جگہ مکمل محفوظ نہیں۔ سب سے زیادہ خطرناک وہ لوگ ہوتے ہیں جن پر آپ آنکھیں بند کرکے اعتماد کرتے ہیں۔”

جیسمین منظور کا دعویٰ ہے کہ ان پر شدید جسمانی تشدد کے باوجود ان کے سابق شوہر کو کسی قانونی کارروائی کا سامنا نہیں کرنا پڑا اور وہ گزشتہ 6 ماہ سے جناح اسپتال میں "عیاشی کی زندگی” گزار رہے ہیں۔

And can you believe it he is sitting in Jinnah hospital since 6 months enjoying his freedom what a shameful and pathetic system we have unbelievable

— Jasmeen Manzoor (@jasmeenmanzoor) July 15, 2025