گوہر اور کبریٰ کی شادی کا کارڈ منظر عام پر آگیا

پاکستانی اداکار گوہر رشید اور اداکارہ کبریٰ خان اپنی زندگی کے نئے باب کا آغاز کرنے کے لیے تیار، اُن کی شادی کا کارڈ بھی منظر عام پر آگیا ہے۔

میڈیا رپورٹس کے مطابق ان کے نکاح کی تقریب فروری میں مقدس شہر مکہ مکرمہ میں ہوگی جس کے بعد پاکستان میں شادی کی شاندار تقریبات ہوں گی۔

سوشل میڈیا پر وائرل ہونے والے کارڈ میں گوہر اور کبریٰ کا نام لکھا ہے تاہم کارڈ پر شادی کی تاریخ اور وینیو بارے معلومات سامنے نہیں آئی۔

خیال رہے کہ جوڑی نے گزشتہ ہفتے ایک ویڈیو میں اپنی شادی کی تصدیق کی تھی۔