یوٹیوب کی کمائی کی پالیسی میں بڑی تبدیلی، 15 جولائی سے اطلاق

دنیا کی سب سے مقبول ویڈیو شیئرنگ پلیٹ فارم یوٹیوب نے 15 جولائی سے Monetization پالیسی میں نمایاں تبدیلیوں کا اعلان کیا ہے، جس کا مقصد غیر معیاری، بار بار اپ لوڈ ہونے والے اور اے آئی سے تیار کردہ مواد سے آمدنی کا دروازہ بند کرنا ہے۔

یوٹیوب کا کہنا ہے کہ صرف اوریجنل اور تخلیقی ویڈیوز ہی کمائی کے لیے اہل ہوں گی۔ کمپنی نئی گائیڈلائنز جاری کرے گی، جن میں وضاحت دی جائے گی کہ کون سا مواد قابلِ کمائی ہوگا اور کون سا نہیں۔

کچھ صارفین کو خدشہ ہے کہ ری ایکشن ویڈیوز جیسے مشمولات متاثر ہو سکتے ہیں، مگر یوٹیوب کے نمائندے Rene Ritchie نے وضاحت دی کہ یہ صرف پالیسی کی وضاحتیں ہیں، اور ایسا مواد جو پہلے سے ہی غیر موزوں سمجھا جاتا تھا، وہ اب بھی monetization کے اہل نہیں ہوگا۔

اے آئی ویڈیوز کی بڑھتی ہوئی تعداد کے پیشِ نظر یوٹیوب ان پر خاص نظر رکھے گا، اور غیر معیاری لیبل عموماً اسی مواد پر لگایا جائے گا۔

حتمی پالیسی گائیڈلائنز 15 جولائی کو جاری کی جائیں گی۔