محمد آصف بھارتی حریف کو شکست دیکر ورلڈ ماسٹرز اسنوکر چیمپئن بن گئے

بحرین: پاکستان کے اسنوکر چیمپئن محمد آصف نے آئی بی ایس ایف ورلڈ ماسٹرز اسنوکر چیمپئن شپ کے فائنل میں بھارت کے برجش دامانی کو سنسنی خیز مقابلے کے بعد 3-4 سے شکست دے کر ایک اور عالمی ٹائٹل اپنے نام کر لیا۔

فائنل میں آصف نے شاندار کھیل کا مظاہرہ کرتے ہوئے 2-3 کے خسارے سے کم بیک کیا اور فیصلہ کن فریم جیت کر فتح سمیٹی۔ مقابلے کا اسکور 98-37، 75-55، 00-80، 49-52، 41-64، 91-29 اور 78-9 رہا۔

یہ محمد آصف کے کیریئر کا چھٹا عالمی ٹائٹل ہے۔ وہ اس سے قبل دو ٹیم اور تین انفرادی ورلڈ چیمپئن شپ جیت چکے ہیں۔