محمد مسلسل دوسرا سال انگلینڈ اور ویلز میں سب سے مقبول لڑکوں کا نام رہا

برطانوی محکمہ شماریات کی تازہ رپورٹ کے مطابق 2024 میں انگلینڈ اور ویلز میں ’محمد‘ سب سے زیادہ رکھا جانے والا لڑکوں کا نام رہا۔ یہ مسلسل دوسرا سال ہے جب محمد نام سرفہرست آیا ہے۔

رپورٹ کے مطابق محمد 2016 سے ٹاپ 10 میں شامل ہے۔ 2021 میں یہ پانچویں، 2022 میں دوسرے اور 2023 میں محمد نام مقبول ترین رہا۔ 2024 میں بھی محمد سب سے زیادہ منتخب کیا گیا لڑکوں کا نام ہے۔ دوسرے نمبر پر "نوح” اور تیسرے پر "اولیور” رہا۔ لڑکیوں میں "اولیویا” اور "امیلیا” مسلسل تیسرے سال پہلے دو نمبروں پر برقرار ہیں۔

رپورٹ کے مطابق اس رجحان سے برطانیہ میں مسلمانوں کی بڑھتی ہوئی آبادی اور اسلامی ناموں کی مقبولیت ظاہر ہوتی ہے۔

شاہی ناموں کی مقبولیت میں کمی دیکھی گئی ہے، "جارج” چھٹے اور "ویلیم” 27ویں نمبر پر چلا گیا۔