آئی فون17 سیریز کی تاریخ کا باضابطہ اعلان

ایپل ستمبر 2025 میں اپنی نئی آئی فون 17 سیریز لانچ کرنے جا رہا ہے۔ اس سیریز میں آئی فون 17، آئی فون 17 ایئر، اور آئی فون 17 پرو شامل ہیں۔ رپورٹ کے مطابق ایپل روایتی طور پر لیبر ڈے کے بعد آنے والے منگل کو اپنی سالانہ تقریب منعقد کرتا ہے۔

2025 میں لیبر ڈے یکم ستمبر کو آ رہا ہے، جس کے باعث ممکنہ تقریب 2 یا 9 ستمبر کو ہو سکتی ہے۔ چونکہ 2 ستمبر کو برلن میں IFA الیکٹرانکس شو ہو رہا ہے، اس لیے ایپل ممکنہ طور پر 9 ستمبر کو اپنی تقریب منعقد کرے گا تاکہ میڈیا توجہ برقرار رکھی جا سکے۔

اگر ایپل نے 9 ستمبر کو اعلان کیا تو پری آرڈر 12 ستمبر بروز جمعہ سے شروع ہوں گے۔ کمپنی عام طور پر جمعہ کو پری آرڈرز لیتی ہے۔ توقع ہے کہ نئے آئی فونز 19 ستمبر سے فروخت کے لیے دستیاب ہوں گے، جیسا کہ گزشتہ سالوں میں ہوتا رہا ہے۔

آئی فون 17 سیریز مکمل طور پر نئے ڈیزائن کے ساتھ تین ماڈلز پر مشتمل ہوگی۔ ماضی کی طرح کچھ ماڈلز میں تاخیر ہو سکتی ہے، جیسے آئی فون XR اور آئی فون 12 منی کے ساتھ ہوا تھا۔ آئی فون 17 ایئر ممکنہ طور پر معمولی تاخیر کا شکار ہو سکتا ہے، مگر اس کی ابھی تصدیق نہیں ہوئی۔

اگر کسی ماڈل کی لانچ میں تاخیر ہوئی تو اس کے پری آرڈر بعد میں شروع ہوں گے۔ فروخت کی تاریخ بھی معمولی تاخیر کا شکار ہو سکتی ہے۔ تاہم ایپل کوشش کرتا ہے کہ ایسی تاخیر کم سے کم ہو تاکہ صارفین کی دلچسپی برقرار رہے۔

فی الحال 9 ستمبر کو تقریب اور 19 ستمبر کو فروخت کی تاریخ سب سے زیادہ متوقع ہیں۔ ایپل کی طرف سے حتمی اعلان تقریب سے کچھ دن پہلے کیا جائے گا۔ شائقین نئی ڈیزائن اور فیچرز کے حامل آئی فون 17 کا بے صبری سے انتظار کر رہے ہیں۔