پاکستانی کرکٹ ٹیم کا ٹی 20 میں شکستوں کا سلسلہ تھم نہ سکا، بنگلادیش سے بھی عبرتناک شکست

دوسرے ٹی 20 میچ میں بھی بنگلادیش نے پاکستان کو شکست دے کر تین میچوں کی سیریز میں 2 صفر کی فیصلہ کن برتری حاصل کر لی۔

تفصیلات کے مطابق 134 رنز کے ہدف کے تعاقب میں پاکستان کی پوری ٹیم 125 رنز پر آوٹ ہوگئی۔ قومی ٹیم کی جانب سے فخر زمان 8، صائم ایوب 1، وکٹ کیپر محمد حارث 0، حسن نواز 0، کپتان سلمان علی آغا 9، محمد نواز 0، خوشدل شاہ 13، فہیم اشرف 51، عباس آفریدی 19،  احمد دانیال 17 رنز پر آوٹ ہوئے۔

بنگلادیش کی جانب سے شرف الاسلام نے 3 جبکہ مہدی حسن، اور تنظیم حسن ثاقب نے 2، 2 کھلاڑیوں کو پویلین کی راہ دکھائی۔

پاکستانی الیون

فخر زمان، صائم ایوب، محمد حارث (وکٹ کیپر)، حسن نواز، سلمان علی آغا (کپتان)، محمد نواز، خوشدل شاہ، فہیم اشرف، عباس آفریدی، سلمان مرزا، احمد دانیال

بنگلا دیشی الیون

پرویز حسین ایمان، نعیم شیخ، لٹن داس (کپتان و وکٹ کیپر)، توحید ہریدوئے، شمیم حسین، جاکر علی، مہدی حسن، رشاد حسین، تنظیم حسن، شریف الاسلام، مستفیض الرحمان