پاکستان نے ایران کو شکست دیکر ایشین انڈر 16 والی بال فائنل جیت لیا

پاکستان نے ایشین انڈر 16 والی بال فائنل میں ایران کو شکست دیکر ٹائٹل اپنے نام کر لیا۔

تفصیلات کے مطابق ابتدائی دو سیٹس ہارنے کے باوجود پاکستانی ٹیم نے زبردست کم بیک کیا اور مسلسل تین سیٹس جیت کر ٹورنامنٹ کی تاریخ کا پہلا ٹائٹل حاصل کیا۔ پاکستان کی جانب سے محمد جنید اور فیضان اللہ نے نمایاں کھیل پیش کرتے ہوئے ٹیم کی فتح میں کلیدی کردار ادا کیا۔

یہ پہلا موقع ہے کہ پاکستان نے ایشین انڈر-16 والی بال چیمپئن شپ جیتی ہے، جو ملک کے لیے والیبال کے میدان میں تاریخی سنگِ میل ہے۔

خیال رہے کہ سیمی فائنل میں قومی ٹیم نے بھارت کو شکست دی تھی۔