بینظیر انکم سپورٹ پروگرام میں شمولیت کا طریقہ کار — اہم ہدایات جاری

اسلام آباد: بینظیر انکم سپورٹ پروگرام (BISP) نے مستحق خاندانوں کو سوشل پروٹیکشن نیٹ ورک میں شامل کرنے کے لیے رجسٹریشن کا عمل تیز کر دیا ہے۔

بینظیر کفالت پروگرام کے تحت مالی طور پر کمزور خاندانوں کو ہر تین ماہ بعد 13,500 روپے کی امداد فراہم کی جاتی ہے۔ شمولیت کے لیے قریبی BISP رجسٹریشن سینٹر پر جا کر ڈائنامک سروے مکمل کرنا ضروری ہے۔

یہ سروے خاندان کی موجودہ معاشی صورتحال جانچنے کے لیے کیا جاتا ہے تاکہ امداد صرف واقعی مستحق افراد تک پہنچے۔

رجسٹریشن کے لیے درکار دستاویزات

اصل کمپیوٹرائزڈ شناختی کارڈ (CNIC)

بچوں کے بی فارم

ذاتی موبائل نمبر (فعال ہونا ضروری ہے)

تازہ ترین بجلی کا بل

سروے مکمل ہونے کے بعد 8171 سے اہل یا نااہل ہونے کا پیغام موصول ہوگا۔

اہم تنبیہ

رجسٹریشن مکمل طور پر مفت ہے۔

کسی بھی قسم کی فیس کا مطالبہ غیر قانونی ہے۔

مزید معلومات یا شکایات کے لیے قریبی BISP دفتر سے رابطہ کریں۔