پی ٹی آئی رہنما حماد اظہر کا عدالت میں سرینڈر کرنے کا فیصلہ

پاکستان تحریکِ انصاف (پی ٹی آئی) کے سینئر رہنما اور سابق وفاقی وزیر حماد اظہر نے عدالت کے سامنے سرینڈر کرنے اور ضمانت کی درخواست دائر کرنے کا فیصلہ کر لیا ہے۔

ذرائع کے مطابق، انہوں نے یہ فیصلہ قریبی ساتھیوں اور وکلاء سے مشاورت کے بعد کیا، اور قانونی ٹیم کو فوری طور پر عدالت میں پیشی کی تیاری کی ہدایت دی ہے۔ حماد اظہر نے عندیہ دیا ہے کہ اگر عدالت سے ضمانت نہ ملی تو وہ جیل جانے کو تیار ہیں۔

یاد رہے کہ وہ دو سال سے روپوش تھے اور 9 مئی کے واقعات کے بعد متعدد مقدمات میں مطلوب تھے۔ وہ حال ہی میں والد میاں محمد اظہر کی نمازِ جنازہ میں شرکت کے لیے منظرِ عام پر آئے تھے۔