راکھی ساونت نے مفتی عبدالقوی کا خواب چکنا چور کر دیا

بھارتی اداکارہ اور ڈانسر راکھی ساونت نے مفتی عبدالقوی کو جواب دیتے ہوئے کہا ہے کہ آپ مجھے سنبھال نہیں پائیں گے۔

حالیہ دنوں میں مفتی قوی نے ایک پوڈکاسٹ میں راکھی سے شادی کی خواہش ظاہر کی تھی، جس پر راکھی نے مذاق کرتے ہوئے کہا تھا کہ وہ مولانا سے شادی کے لیے تیار ہیں اور اُن سے شاعری کا مطالبہ بھی کیا تھا۔

راکھی نے ایک نجی چینل سے گفتگو کرتے ہوئے کہا کہ وہ مفتی قوی کے ساتھ شادی کے بارے میں سنجیدہ نہیں ہیں۔ ان کا کہنا تھا، "مفتی قوی کی 100 بیویاں ہوں یا 900، میں ایک لاکھ عورتوں کے برابر ہوں، وہ مجھے سنبھال نہیں پائیں گے۔”

راکھی نے اپنی محبت کی تلاش کے حوالے سے کہا کہ انہیں بھارت میں سچی محبت نہیں ملی، حالانکہ ان کے پیچھے کئی لڑکے ہیں، لیکن وہ سب انہیں صرف اپنے مفاد کے لیے استعمال کرنا چاہتے ہیں۔ ایک سوال کے جواب میں راکھی نے کہا، "اگر مودی پاکستان آ سکتے ہیں تو میں کیوں نہیں؟ جب میاں بیوی راضی ہوں تو قاضی کیا کر سکتا ہے؟”

راکھی نے ہانیہ عامر کی تعریف کرتے ہوئے کہا کہ وہ ایک اچھی اور شریف لڑکی ہیں۔

یاد رہے کہ اس سے قبل مفتی قوی نے ایک ٹی وی پروگرام میں دعویٰ کیا تھا کہ ان کا نکاح راکھی ساونت سے ہونے والا ہے اور راکھی نے نکاح کی تاریخ 14 فروری تجویز کی تھی۔ مفتی قوی نے میزبان کو بھی اپنی پیشکش میں شامل ہونے کے لیے کہا تھا۔