راولپنڈی میں شادی کی تقریب میں ہوائی فائرنگ، دلہن گرفتار

راولپنڈی میں شادی کی ایک تقریب کے دوران ہوائی فائرنگ کرنے پر دلہن کو گرفتار کر لیا گیا۔

پولیس کے مطابق واقعہ تھانہ مندرہ کے علاقے گوہڑہ میں پیش آیا، جہاں تقریب کے دوران اسلحہ استعمال کیا گیا۔

گرفتار ہونے والی دلہن ثناء شہریار نے مبینہ طور پر بغیر لائسنس پستول سے فائرنگ کی۔

پولیس کا کہنا ہے کہ دلہن کو رنگے ہاتھوں گرفتار کیا گیا جبکہ دلہا موقع سے فرار ہو گیا، جس کی تلاش جاری ہے۔

اس نے کیا ساتھ نبھانا تھا 🤭
راولپنڈی، تھانہ مندرہ کی حدود میں دلہن کی ہوائی فائرنگ کی ویڈیو وائرل Sp صدر نے نوٹس لیتے ہوۓ دلہن کو گرفتار کر کے آڈیالہ جیل منتقل کر دیا،جبکہ دولہا فرار ہو گیا🤦 pic.twitter.com/Yg05eo5hfJ

— Ather Salem® (@AthSal01) March 26, 2026

حکام کے مطابق واقعے کی ویڈیو بھی سامنے آ گئی ہے، جس کی بنیاد پر مقدمہ درج کرکے پستول اور گولیاں برآمد کر لی گئی ہیں۔

ابتدائی تحقیقات کے مطابق دلہے نے دلہن کو پستول فراہم کیا جبکہ فوٹوگرافر نے فائرنگ کے لیے ہدایات دیں، جس کے بعد دلہن نے فائرنگ کی۔

پولیس کے مطابق دلہن کو عدالت میں پیش کیا جائے گا جبکہ اس کے اہل خانہ نے ضمانت کی درخواست دائر کر دی ہے، مزید تحقیقات جاری ہیں۔